Қазақстан Республикасы Тәуелсіздігінің 30 жылдығы

Қазақстан Республикасы Тәуелсіздігінің 30 жылдығы аясында Астана күніне арналған «Нұр-Сұлтан – келісім мен бейбітшілік астанасы» атты облыстық форум өтті. Іс – шара «Қоғамдық келісім» КММ-нің қолдауымен Алматы облыстық «Күміс тамыр» қытай этномәдени бірлестігі ұйымдастырды. Нұр-Сұлтан тәуелсіз Қазақстанның және оның Тұңғыш Президенті, Ұлт Көшбасшысы Нұрсұлтан Назарбаевтың тарихи жетістігінің айқын дәлелі болып табылады.
Форум аясында қытай этномәдени бірлестігі үш номинация бойынша қашықтықтан онлайн байқау ұйымдастырды, яғни ән, авторлық өлең, мәнерлеп оқу және патриоттық тақырыпта сурет салу. Байқау талантты жасөспірімдер мен жастарға қолдау көрсетіп, өскелең ұрпақты эстетикалық және адамгершілік-патриоттық сезімін тәрбиелеу мақсатында өтті. Байқауға Алматы облысының барлық аймақтарынан түрлі этностың балалары мен жасөспірімдері қатысты. Іс-шара барысында «Күміс тамыр» қытай этномәдени бірлестігінің төрағасы Людмила Мазова байқау жеңімпаздарын атап өтіп, дипломдармен және бағалы сыйлықтармен марапаттады. Байқауға мектебімізден 4 "Г" сынып оқушылары Ансеров Шакир, Кибарова Хавва, Нуриева Севда, 2 "З" сыныбынан Мадетова Хасна белсене қатысып, жүлделі орындар иеленіп, бағалы сыйлықтармен марапатталды